ACM (Association for Computing Machinery) informatika sahəsində ən qədim, ən mötəbər və ən böyük peşəkar təşkilatdır. Azərbaycan ACM Bölməsi peşəkar ACM bölməsi olaraq 24 fevral 2012-ci ildə təsis olunub.

2012-ci ilin fevralından bölməmizin həyata keçirdiyi müxtəlif görüş və tədbirlər ACM-in cəmiyyətdə informatikanı elm və peşə kimi irəli aparmaq missiyasına sadiq olan insanların təmənnasız və könüllü dəstəyi olmadan mümkün olmazdı.

İnformasiya texnologiyaları sahəsində peşəkarsınız? İnformatikanı bir elm, bir peşə kimi sevirsiniz? Öz təcrübənizi başqaları ilə bölüşmək, yeni nəsil mütəxəssislərin yetişməsinə kömək etmək istəyirsiniz? Elə isə bizə qoşulun.

ACM bölməsinə üzv olmaq hələ ACM-ə üzv olmaq deyil. Azərbaycan ACM Bölməsinə üzv olmaqla ACM üzvlüyünün verdiyi imkanların ancaq bir neçəsindən istifadə etmək olur. ACM üzvü olmaq üçün elə indi onlayn üzvlük formasını doldurun.